ცენტრალურმა საარჩევნო კომისიამ დღეს გამართულ სხდომაზე ქალაქ თბილისის მერის და თბილისის საკრებულოს პროპორციული საარჩევნო სისტემით ჩატარებული 2017 წლის 21 ოქტომბრის არჩევნების შედეგები შეაჯამა. შედეგების მიხედვით ქალაქ თბილისის მერად არჩეულია პ/გ „ქართული ოცნება – დემოკრატიული საქართველოს“ კანდიდატი კახა კალაძე. მან ხმათა 51.09 %, მიიღო, რაც რაოდენობრივად 204 061 ამომრჩეველის ხმაა.
თბილისის მერის არჩევნების შემაჯამებელი ოქმი
თბილისში პროპორციული საარჩევნო სისტემით ჩატარებული არჩევნების შედეგების მიხედვით კი საარჩევნო სუბიექტებს შორის მანდატები შემდეგნაირად გადანაწილდა:
№ 2 ბაქრაძე, უგულავა – ევროპული საქართველო – მიღებული ხმების რაოდენობა 35 586 ( % 9.18; მიღებული მანდატების რაოდენობა – 3)
№ 5 ერთიანი ნაციონალური მოძრაობა – მიღებული ხმების რაოდენობა 68 432 (% 17.66; მიღებული მანდატების რაოდენობა – 5)
№ 8 დავით თარხან-მოურავი, ირმა ინაშვილი – საქართველოს პატრიოტთა ალიანსი – მიღებული ხმების რაოდენობა 21 775 (% 5.62; მიღებული მანდატების რაოდენობა – 2)
№ 41 ქართული ოცნება – დემოკრატიული საქართველო
მიღებული ხმების რაოდენობა – 205 994 (% 53.15; მიღებული მანდატების რაოდენობა – 15)
ცესკოს თავმჯდომარემ და კომისიის მდივანმა შემაჯამებელ ოქმებს დღეს გამართულ სხდომაზე მოაწერეს ხელი.