Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ცესკოს წინსწარი მონაცემებით, 14 თვითმმართველ თემში „ქართული ოცნების“ კანდიდატებმა გაიმარჯვეს, ხოლო ერთ თემში – წალენჯიხაში, „ნაციონალური მოძრაობის“ კანდიდატმა მოიგო.
ცესკოს მონაცემებით, ყველა თვითმმართველი თემის ყველა უბანი დათვლილია და წინასწარი მონაცემები ასე ნაწილდება:
თელავში 55-ვე უბნის დათვლის შედეგად „ქართული ოცნების“ კანდიდატმა ლევან ანდრიაშვილმა გაიმარჯვა – 56,899%-ით, ხოლო „ნაციონალური მოძრაობის“ კანდიდატს გიორგი ბოტკოველს – 43,101% აქვს.
დათვლილია თიანეთში 21-ვე საარჩევნო უბანი. აქ „ქართული ოცნების“ კანდიდატს ლევან წიკლაურს – 54,826% აქვს, ხოლო „თამაზ მეჭიაური -ერთიანი საქართველოსთვის“ კანდიდატს თამაზ მეჭიაურს – 45,174%.
ქარელში 40-ვე უბანია დათვლილი. აქ „ქართული ოცნების“ კანდიდატს ზაზა გულიაშვილს 56,73%, ხოლო „ნაციონალური მოძრაობის“ კანდიდატს ნიკოლოზ ახალკაცს 43,26% აქვს.
ხაშურში 53-ვე საარჩევნო უბანია დათვლილი და „ქართული ოცნების“ კანდიდატს თენგიზ ჩიტიაშვილს 59,82% აქვს, ხოლო “ნაციონალური მოძრაბის“ კანდიდატს იოსებ ბუაძეს 40,918%.
ასევე დათვლილია ცაგერში 42-ვე საარჩევნო უბანი. აქაც „ქართული ოცნების“ კანდიდატი გიორგი ნემსაძე ლიდერობს – 62,873%-ით, ხოლო მის კონკურენტს „გახარია – საქართველოსთის“ პარტიის კანდიდატს, ბესარიონ ბენდელიანს – 37,127% აქვს.
ბაღდათში 31 უბნიდან დათვლილია ყველა – „ქართული ოქნების“ კანდიდატს კახა ენუქიძეს 60, 693%, ხოლო „ნაციონალური მოძრაობის“ კანდიდატს გიორგი რობაქიძეს 39,307%.
წყალტუბოში (69 უბანი) „ქართული ოცნების“ კანდიდატმა გენადი ბალანჩივაძემ გაიმარჯვა 57,167%-ით, ხოლო მის კონკურენტს „ნაციონალური მოძრაობიდან“ ზაზა მეტრეველს 42,833% აქვს.
ოზურგეთში 63 – ვე უბნის მონაცემები შემდეგნაირად გადანაწილდა – „ქართული ოცნების” კანდიდატს ავთანდილ თალაკვაძეს ხმა 55,409%-მა, ხოლო კონსტანტინე შარაშენიძეს 44.591%-მა მისცა.
სენაკში დათვლილია 44 უბანი და შედეგად „ქართული ოცნების“ კანდიდატს ვახტანგ გადელიას 53,078%, ხოლო „ნაციონალური მოძრაობის“ კანდიდატს კობა ნაყოფიას – 46,922% აქვს.
მარტვილში 40 -ვე უბნის დათვლის შედეგად, „ქართული ოცნების“ კანდიდატს თორნიკე ჯანაშიას 51,845% აქვს, ხოლო „ნაციონალური მოძრაობის” კანდიდატს თეიმურაზ ჯანაშიას 48,155%.
ხობში (33 უბანი) „ქართული ოცნების” კანდიდატს დავით ბუკიას 56,78% აქვს, ხოლო „ნაციონალური მოძრაობის“ კანდიდატს ბესიკ შენგელიას 43,22%.
ზუგდიდში 109-ვე უბანი დათვლილია და აქაც „ქართული ოცნების“ კანდიდატმა მამუკა წოწერიამ გაიმარჯვა. პირველადი მონაცემებით, წოწერიას 51,63% აქვს, ხოლო „ნაციონალური მოძრაობის“ კანდიდატს ანზორ მელიას 48,36%.
წალენჯიხაში ყველა უბნის მონაცემებით, „ნაციონალური მოძრაობის“ კანდიდატმა გიორგი ხარჩილავამ მმართველი გუნდის კანდიდატს მოუგო. ეს ერთადერთი თვითმმართველი თემია, სადაც ოპოზიციის კანდიდატი იმარჯვებს, რაც შეეხება კონკრეტულ პროცენტულ მაჩვენებლებს, ის შემდეგნაირად გადანაწილდა – გიორგი ხარჩილავას 51.107% აქვს, ხოლო „ქართული ოცნების“ კანდიდატს გოგა გულორდავას 48,893%.
ჩხოროწყუში (28 უბანი) „ქართული ოცნების“ კანდიდატმა დათო გოგუამ ხმების 50,88%, „ნაციონალური მოძრაობის“ კანდიდატმა ბადრი ქარჩავამ – 49,11% მიიღო.
ხელვაჩაურში (47 უბანი) „ქართული ოცნების“ კანდიდატმა ზაზა დიასამიძემ 55,007%-ით გაიმარჯვა, ხოლო „ნაციონალური მოძრაობის“ კანდიდატმა მიშა ბოლქვაძემ 44,993% მიიღო.