“ცხოვრება, ბოლო შეკითხვა!” – ოზურგეთში დოკუმენტურ ფილმს იღებენ

Доступно только по Грузински For the sake of viewer convenience, the content is shown below in the alternative language. You may click the link to switch the active language.

ხალხური სიმღერების შემსრულებელ ანსამბლ „იადონს“ დოკუმენტურ ფილმში იღებენ.
პროექტი უკრაინის კულტურის სამინისტროს დაფინანსებით ხორციელდება.
ფილმის – „ ცხოვრება, ბოლო შეკითხვა! “ გადაღებები ოზურგეთის მუნიციპალიტეტის სოფელ ნაღობილევში, ანსამბლ „იადონის“ ხელმძღვანელის – ბიძინა მჟავიას ოჯახში მიმდინარეობს.
დოკუმენტური ფილმში ასახული იქნება სხვადასხვა ქვეყნის ტრადიციები, ადამიანების დამოკიდებულება ერთმანეთთან, სიცოცხლესთან და სიკვდილთან.
ფილმს უკრაინელი რეჟისორები – ალექსანდრე სტიკოლენკა და ტატიანა ხოდოკივსკა იღებენ.
გადაღებები ქართულ კინომწარმოებლობა – „ეფიქსფილმ ჯორჯიასთან “ თანამშრომლობით მიმდინარეობს. ფილმის პროდიუსერია – მარიამ მოსკალენკო, წარმოების მენეჯერი – ირაკლი ქურდიანი.
„ჩვენ ვიღებთ საერთაშორისო პროექტს, რომელიც ასახავს სხვადასხვა ქვეყნის კულტურას, ადამიანების დამოკიდებულებას ცხოვრებასთან, სიკვდილთან. ძალიან მნიშვნელოვანია დავინახოთ როგორ აღიქვამენ სიცოცხლეს სხვადასხვა ერებში , როგორ უყვართ ის, როგორ ერწყმის ქართული სუფრის კულტურა და სიმღერა ერთმანეთს, რამდენად გამოხატავს ის ქართულ ხასიათს. ფილმის ყველაზე დიდი ნაწილი საქართველოს დაეთმობა. მხარდაჭერისთვის გვინდა მადლობა გადავუხადოთ ოზურგეთის მუნიციპალიტეტის გამგებელს – მერაბ ჭანუყვაძეს და კულტურის, სპორტისა და ტურიზმის განვითარების სამსახურის ხელმძღვანელს – ნატალია ხომერიკს,“- აღნიშნა ფილმის რეჟისორმა.
გადამღები ჯგუფი ოზურგეთის მუნიციპალიტეტის გამგეობის კულტურის, სპორტისა და ტურიზმის განვითარების სამსახურის მხარდაჭერით გადასაღებ მოედანზე უკვე მესამე დღეა მუშაობს.