Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
სენაკის მუნიციპალიტეტში ძველი სენაკის ადმინისტრაციული ერთეულის ცენტრს ისტორიული ისერსახე დაუბრუნდება. ძველი სენაკის ისტორიული ნაწილისა და მისი მიმდებარე არეალის რეკონსტრუქცია-რეაბილიტაციის საპროექტო სამუშაოები უახლოეს მომავალში დაიწყება. სენაკის ერთ-ერთი გამორჩეული ისტორიული ნაწილის რეაბილიტაციის საკითხი მუნიციპალიტეტის გამგებელმა გოჩა დგებუაძემ სახელგანთქმულ არქიტექტორებთან აკადემიკოს ვახტანგ დავითაიასთან და პროფესორ თამაზ დოგრაშვილთან ერთად ადგილზე განიხილა. პროექტის ფარგლებში გამაგრებითი და სარეაბილიტაციო სამუშაოები ჩაუტარდება არსებულ შენობა-ნაგებობებს, ეზოები სამეგრელოსთვის დამახასიათებელი ღობეებით შემოიფარგლება, მოეწყობა ტროტუარები და სკვერები. პროექტის მნიშვნელოვან ნაწილს წარმოადგენს ამჟამად ქალაქის ცენტრალურ ნაწილში არსებული ,,მეგრული ოდის’’ ძველი სენაკის ცენტრში განთავსება. რესტავრაციის შემდგომ ,,მეგრული ოდა’’ 800-წლოვანი აღმოსავლური ჭადრის გვერდით დაიდებს ბინას და იქ ახალი სამუზეუმო სივრცე მოეწყობა. პროექტის განხორციელების შემდეგ ძველი სენაკის ისტორიული ცენტრი გახდება მუნიციპალიტეტის ღირსშესანიშნაობების კომპლექსის მნიშვნელოვანი შემადგენელი ნაწილი, რაც ხელს შეუწყობს ტურიზმის შემდგომ განვითარებას.