Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დღეს წყალტუბოს მუნიციპალიტეტში ტრადიციული, სახალხო დღესასწაული ,,შემოდგომის წყალტუბო” და რეგიონალური ფოლკლორული ფესტივალი “ფუძეობა ” გაიმართა.
ქალაქის ცენტრალურ ნაწილში სასტუმრო ,,პლაზასა’’ და სპორტის სასახლის მიმდებარე ტერიტორიაზე წარმოდგენილი იყო სხვადასხვა საინტერესო სანახაობა: იმერული ფაცხები, ხალხური რეწვის ნიმუშები, ხელნაკეთი ნივთები. ასევე, მოეწყო სხვადასხვა კულტურული და სპორტული ღონისძიებების მარათონი. სახალხო დღესასწაულში იმერეთის 12 მუნიციპალიტეტის ფოლკლორული ანსამბლები და წყალტუბოსთან დამეგობრებული ქალაქის სალდუსის სახალხო ანსამბლი ,,BANDAVA’’ მონაწილეობდა.
ღონისძიებებს იმერეთში სახელმწიფო რწმუნებულის–გუბერნატორის პირველი მოადგილე გრიგოლ დალაქიშვილი, წყალტუბოს მუნიციპალიტეტის გამგებელი კონსტანტინე მამისეიშვილი, მაჟორიტარი დეპუტატი ცოტნე ზურაბიანი და სხვა მოწვეული სტუმრები ესრწებოდნენ.
დღესვე, გაიმართა წყალტუბოს საპატიო მოქალაქეების დაჯილდოების ცერემონია. ღონისძიების დასკვნით ნაწილში, საქართველოს ტურიზმის ეროვნული ცენტრის, პროექტის CHECK IN GEORGIA-ს მხარდაჭერით გრანდიოზული კონცერტი ჩატარდა და მაყურებლის წინაშე ნიაზ დიასამიძე და ჯგუფი ,,33ა“ წარდგა.