Доступно только по Грузински For the sake of viewer convenience, the content is shown below in the alternative language. You may click the link to switch the active language.
ჭიათურის მერმა პაატა ნადირაძემ ისრაელის ქალაქ კირიათ იამის ვიცე-მერს მურად ფაზიცკის უმასპინძლა. ვიზიტის ფარგლებში, ჭიათურის მერს ისრაელში მოღვაწე ცნობილი ქორეოგრაფი, ქალაქ კირიათ ბიალიკის საკრებულოს წევრი, ხაიფისა და ჩრდილოეთ ოლქის. ქართული კულტურისა და ხელოვნების საზოგადოების თავმჯდომარე შოთა წვენიაშვილი, ქალაქ ტირათ კარმელის მუნიციპალიტეტის იურიდიული მრჩეველი მოშე ელიკი და სრულიად საქართველოს რუსთაველის საზოგადოების ქართულ-ებრაულ ურთიერთობათა კომიტეტის ხელმძღვანელი ლეილა ნოდია შეხვდნენ. შეხვედრის ძირითად მიზანს ჭიათურისა და ისრაელის ერთ-ერთ ქალაქს შორის მეგობრული ურთიერთობის დამყარება და შემდგომი თანამშრომლობის პერსპექტივები წარმოადგენდა. შეხვედრის ბოლოს მურად ფაზიცკიმ ჭიათურის მერს სამახსოვრო საჩუქარი გადასცა. სტუმრებმა და მასპინძლებმა ერთობლივი ფოტოც გადაიღეს.