Доступно только по Грузински For the sake of viewer convenience, the content is shown below in the alternative language. You may click the link to switch the active language.
ჭიათურის მუნიციპალიტეტის სოფელ უსახელოში წყალმომარაგების სისტემის სრული რეაბილიტაცია დაიწყო. პროექტი ითვალისწინებს სოფელ ქვედა ბერეთისაში მდებარე ორ წყაროზე რკინა-ბეტონის რეზერუარის მოწყობას, საიდანაც ტუმბოების მეშვეობით წყლის მიწოდება მოხდება უსახელოში ორ სხვადასხვა ადგილას მოწყობილ რეზერუარში. უსახელოში არსებული რეზერუარებიდან კი მოსახლეობისადმი წყლის მიწოდება თვით დინებით მოხდება. პროექტის განხორციელებით სოფელ უსახელოსა და წყალშავში მცხოვრები 700 ოჯახი ისარგებლებს.
უსახელოში მიმდინარე სამუშაოები დღეს ჭიათურის გამგებლის მოადგილემ და სხვადასხვა სამსახურის თანამშრომლებმა დაათვალიერეს. მუნიციპალიტეტის წარმომადგენლები დღეს სოფელ ბერეთისაში იმ ადგილასაც იმყოფებოდნენ, სადაც სათავე ნაგებობა უნდა მოეწყოს.
წყალმომარაგების სისტემის სარეაბილიტაციო სამუშაოებს ტენდერში გამარჯვებული შპს ,,აკვედუკი 07″ შეასრულებს.
პროექტის საერთო ღირებულება 284 444 ლარს შეადგენს.