Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ხაშურის მუნიციპალიტეტში განსაკუთრებული საჭიროების მქონე ოჯახებისთვის საკვები პროდუქტებით დახმარების პროცესი გრძელდება. დღეს პროცესის მიმდინარეობას ადგილზე გაეცნენ მუნიციპალიტეტის მერი გიორგი გურასპაშვილი, მერის პირველი მოადგილე ზვიად ქურდაძე და ხაშურის მუნიციპალიტეტის საკრებულოს წევრი დავით მეტრეველი. მერიის ჯანმრთელობის დაცვისა და სოციალური უზრუნველყოფის სამსახურის თანამშრომლებთან ერთად პროდუქტების გაცემაში აქტიურად არიან ჩართული ადმინისტრაციულ ერთეულებში მერის წარმომადგენლები. ამ ეტაპზე მუნიციპალიტეტის მიერ გაწეული დახმარებით ხაშურში, სურამსა და მუნიციპალიტეტის სოფლებში მცხოვრები1824 განსაკუთრებული საჭიროების მქონე ოჯახი ისარგებლებს, რომელთაც ზეთი, ბურღულეული და სხვა პროდუქტები გადაეცემა. პროდუქტების შესაძენად ადგილობრივი ბიუჯეტიდან გამოყოფილმა თანხამ 79 980 ლარი შეადგინა.