Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ხაშურში მიმდინარე სპორტკომპლექსის სამშენებლო სამუშაოები დასასრულს უახლოვდება. ამ ეტაპზე მასშტაბური პროექტის 70 % მეტი დასრულებულია. სამშენებლო სამუშაოებს შიდა ქართლის გუბერნატორის მოადგილე სიმონ გულედანი ადგილობრივი ხელისუფლების წარმომადგენლებთან ერთად გაეცნო. პროექტის ღირებულება 2 292 455 ლარს შეადგენს და ის ადგილობრივი ბიუჯეტის თანამონაწილეობით რეგიონში განსახორციელებელი პროექტების ფონდიდან ფინანსდება. პროექტის ფარგლებში ეწყობა საკალათბურთო/სახელბურთო, საჭიდაო, ძალოსნობის, მძლეოსნობის და ფიტნეს დარბაზები. მეორე სართულზე განთავსებულია საჭადრაკო ოთახი და სატრენაჟორო დარბაზი. ეწყობა მცირე საკონფერენციო დარბაზი და კაფე/სასადილო. შენობაში განთავსდება 40 ადამიანზე გათვლილი სასტუმროც. სპორტული კომპლექსი ყველათანამედროვე სტანდარტს უპასუხებს და ადაპტირებული იქნება შშმ პირებზე.