Доступно только по Грузински For the sake of viewer convenience, the content is shown below in the alternative language. You may click the link to switch the active language.
სოზარ სუბარის განცხადებით, ხელისუფლება ტელეკომპანია “მაესტროს” საქმიანობაში არ ერევა და ვერც ჩაერევა. ამის შესახებ სოზარ სუბარმა “მაესტროს” ირგვლივ განვითარებულ მოვლენებთან და ყოფილი დირექტორის ბაია გადაბაძის ბოლოდროინდელი განცხადებების კომენტირებისას ჟურნალისტებთან განაცხადა.
“დიდი ყურადღებით ვუყურებდი გუშინდელ, გუშინწინდელ ეთერს თუ რა ხდებოდა. განცხადებებიც მოვისმინე, მაგრამ მართლა გულწრფელად მინდა გითხრათ, რომ ხელისუფლება აქ არ ერევა და ვერც ჩაერევა ძალიანაც რომ მოვინდომოთ. საჯარო რეესტრმა გააკეთა ის, რასაც კანონი ავალდებულებდა და რასაც გვერდს ვერ აუვლიდა. დანარჩენი საქმე სასამართლოშია და სასამართლოში გადაწყდება”, – განაცხადა სუბარმა.