Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ხობის ამორტიზებული კულტურის სახლს სრული რეაბილიტაცია ორ თვეში დასრულდება. შეიცვალა სცენა, მოეწყო მთავარი დარბაზი, საგრიმიორო, სარეპეტიციო ოთახები, შიდა და გარე ინტერიერი. დამონტაჟდა განათების, გათბობის, წყლის და უსაფრთხოების სისტემები. სამუშაოების მიმდინარეობას, სამეგრელო-ზემო სვანეთის გუბერნატორი ლევან შონია, ხობის მაჟორიტარ დეპუტატთან ირაკლი (დაჩი) ბერაიასთან და მუნიციპალიტეტის მერთან გოჩა ქაჯაიასთან ერთად გაეცნო. „პროექტის დასრულების შემდეგ კულტურის სახლი ფუნქციონალურად დაიტვირთება, აქამდე ელემენტარული სამუშაო პირობები არა არსებობდა, შენობა სავალალო მდგომარეობაში იყო. თუმცა 2 თვეში, სრულად რეაბილიტირებული კულტურის სახლი გვექნება, სადაც ძალიან ბევრი საინტერესო ღონისძიება ჩატარდება“- აღნიშნა სამეგრელო-ზემო სვანეტის გუბერნატორმა. ხობის კულტურის სახლის რეაბილიტაცია რეგიონებში განსახორციელებელი პროექტების ფონდიდან და ადგილობრივი ბიუჯეტიდან 850 000 ლარით ფინანსდება.