დედაქალაქის მუნიციპალიტეტის საკრებულოს საბურთალოს რაიონის მაჟორიტარმა წევრმა ალექსანდრე ელისაშვილმა საკრებულოში ბრიფინგი გამართა და ყოფილი საბურთალოს ქუჩა N85-ში, ამჟამად კი სულხან ცინცაძის ქუჩის N63-ში მრავალსართულიანი შენობის მშენებლობაზე ნებართვის გაცემის თაობაზე ისაუბრა.
დეპუტატის განცხადებით, აღნიშნულ ტერიტორიაზე მშენებლობის ნებართვა უკანონოდაა გაცემული, რაც ადგილობრივი მოსახლეობის ინტერესებს აზიანებს.
როგორც საკრებულოს წევრმა ბრიფინგზე აღნიშნა, მან განცხადებით თბილისის პროკურატურასა და დედაქალაქის მერიის შიდა აუდიტისა და მონიტორინგის საქალაქო სამსახურს უკვე მიმართა.
„აღნიშნულ მისამართზე გაცემულ მშენებლობასთან დაკავშირებით არ არსებობს გეოლოგიური დასკვა. შესაბამისად, სახეზე გვაქვს კორუფციული გარიგებისა და თანამდებობის ბოროტად გამოყენების შემთხვევა “, – განაცხადა ალექსანდრე ესლისაშვილმა.
ბრიფინგს ასევე საბურთალოს ქუჩის მცხოვრებლები და მათი ადვოკატი ლაშა მჭედლიძე ესწრებოდნენ.
ალექსანდრე ელისაშვილმა ბრიფინგი გამართა
21/06/2016