Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს განათლებისა და მეცნიერების მინისტრს ალექსანდრე ჯეჯელავასა და საქართველოში ყატარის სახელმწიფოს საგანგებო და სრულუფლებიან ელჩს მუბარაქ ბინ ნასერ მუბარაქ ალ ხალიფას შორის გაცნობითი ხასიათის შეხვედრა შედგა.
მხარეებმა ისაუბრეს განათლებისა და მეცნიერების სფეროში, საქართველოსა და ყატარის სახელმწიფოს შორის ურთიერთობების გაღრმავებასთან დაკავშირებით. შეხვედრაზე ხაზი გაესვა სტუდენტებისა და მეცნიერების გაცვლითი პროგრამების გზით, ხარისხიანი საერთაშორისო უმაღლესი განათლების და კვლევების უზრველყოფის შესაძლებლობას.
ელჩი დაინტერესდა განათლების, როგორც პრიორიტეტული მიმართულების განვითარების პერსპექტივებით საქართველოში. მინისტრმა მას გაუზიარა სამომავლო ხედვები, განათლების სისტემის რეფორმირებასთან დაკავშირებით. განათლებისა და მეცნიერების სფეროში თანამშრომლობის გაღრმავების მიზნით, ალექსანდრე ჯეჯელავამ საქართველოში მოიწვია ყატარის სახელმწიფოს კოლეგა მინისტრი.