მხარის რწმუნებული არჩილ ჯაფარიძე ამბროლაურის მუნიციპალიტეტში ინფრასტრუქტურული პროექტების მიმდინარეობას მუნიციპალიტეტის მერთან ზვიად მხეიძესთან და ამავე მუნიციპალიტეტის საკრებულოს თავმჯდომარესთან -ასლან საგანელიძესთან ერთად ადგილზე გაეცნო. მიმდინარეობს სოფელ კრიხის გზის სარეაბილიტაციო სამუშაოები, რომლის სახელშეკრულებო თანხა 475 710 ლარს შეადგენს.
ქ.ამბროლაურში დასრულდა თანამედროვე სტანდარტების შესაბამისი სპორტული მოედნის მე-3 რიგის სამუშაოები, რომლის სახელშეკრულებო ღირებულება 627 774 ლარია. პროექტის ფარგლებში ფიფას სტანდარტების შესაბამისი 2 სტადიონი, 500 კაცზე გათვლილი ტრიბუნა, დამხმარე შენობა-ნაგებობები და კომუნიკაციები მოეწყო. ხელმძღვანელებმა ქ.ამბროლაურში, 18 ივლისს მოსული ძლიერი წვიმების შედეგად დაზიანებული საცხოვრებელი კორპუსების მიმდებარედ, მიმდინარე გაწმენდითი სამუშაოებიც დაათვალიერეს, პროექტირების დასრულების შემდეგ დაიწყება კორპუსების კაპიტალურად გადახურვა.
არჩილ ჯაფარიძე, ამბროლაურის მუნიციპალიტეტში ინფრასტრუქტურული პროექტების მიმდინარეობას გაეცნო
26/07/2019