ახმეტის მუნიციპალიტეტის გამგებელმა ბექა ბაიდაურმა თავისი საქმიანობის ანგარიში წარადგინა. შეხვედრას, რომელიც გამგეობის ადმინისტრაციულ შენობაში გაიმართა, კახეთის გუბერნატორი ირაკლი ქადაგიშვილი, გუბერნატორის მოადგილე გივი მეტრეველი, რეგიონული პროექტების კოორდინირების სამსახურის უფროსი მალხაზ ჭრელაშვილი და ადგილობრივი თვითმმართველობის სხვა წარმომაგდენლები ესწრებოდნენ. გამგებელი დამსწრე საზოგადოებას ახმეტის მუნიციპალიტეტის 2012-2016 წლების ბიუჯეტზე, სახელმწიფო ბიუჯეტის ფონდიდან გამოყოფილ ტრანსფერებსა და ადგილობრივი ბიუჯეტის შემოსავლებზე, ადმინისტრაციულ ხარჯებზე და აღნიშნული ხარჯების მიზნობრიობაზე ესაუბრა.ბექა ბაიდაურმა ყურადღება იმ ახალ პროექტებზეც გაამახვილა, რომლებიც მუნიციპალიტეტში მისი უფლებამოსილების ვადაში განხორციელდება.
0