Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ბათუმის მერი ლაშა კომახიძე დღეს ბოტანიკურ ბაღს ესტუმრა და ბაღის დირექტორთან, ირაკლი არჩაიასთან ერთად, მიმდინარე და სამომავლო პროექტებს გაეცნო. • ბოტანიკურ ბაღში დაიგეგმა ვიზიტორთა ცენტრის მშენებლობა, რომელიც მარტში დაიწყება. პროექტი საერთაშორისო-საქველმოქმედო ფონდ „ქართუს“ მიერ ფინანსდება. • დაიწყო მზადება სამი სკვერის რეაბილიტაციასთან დაკავშირებით. • ბაღის ტერიტორიაზე ვიდეოკამერები და უკაბელო ინტერნეტი დამონტაჟდება. • იგეგმება 2 ერთეული ელექტრომობილის შეძენა. გასული წლის დეკემბერში და მიმდინარე წელს უკვე შესყიდულია 4 ელექტრომობილი. . • მიმდინარეობს ბაღის ტერიტორიაზე ლაბორატორიული კორპუსის რეაბილიტაცია, რომელიც გასული წლის შემოდგომაზე დაიწყო და წელს დასრულდა. • დაიწყო უსახური, ამორტიზებული, სხვადასხვა დანიშნულების შენობა-ნაგებობების დემონტაჟი. • სრულდება ბოტანიკური ბაღის ჩაქვის შესასვლელის მიმდებარედ ორდონიანი ავტოსადგომის მოწყობა, რომელიც 70 მსუბუქ ავტომობილსა და 5 ავტობუსზეა გათვლილი. მშენებლობის დასრულების შემდეგ ავტოსადგომი ბათუმის ბოტანიკურ ბაღს საჩუქრად გადაეცემა. დღესვე, ბათუმის მერმა ბაღის ეზოში სიმბოლურად სამი ფიჭვის ხე დარგო.