Доступно только по Грузински For the sake of viewer convenience, the content is shown below in the alternative language. You may click the link to switch the active language.
ბათუმს „თურქეთ-საქართველოს საპარლამენტო მეგობრობის ჯგუფი“ ეწვია. თურქეთის რესპუბლიკის დელეგაციას ჰუსეინ შაჰინი ხელმძღვანელობდა. ჯგუფის შემადგენლობაში თურქეთის პარლამენტის წევრები, ბურსას გუბერნატორი, ბურსას საკანონმდებლო და აღმასრულებელი ხელისუფლების წარმომადგენლები შედიოდნენ.
შეხვედრას აჭარის მთავრობის თავმჯდომარე ზურაბ პატარაძე, უმაღლესი საბჭოს თავმჯდომარე დავით გაბაიძე, ბათუმის მერი გიორგი ერმაკოვი, ადგილობრივი ხელისუფლების წარმომადგენლები და თურქეთის გენერალური კონსული ბათუმში იასინ თემიზქანი ესწრებოდნენ.
მხარეებმა ორ ქვეყანას შორის სხვადასხვა მიმართულებით ურთიერთობების გაღრმავებასა და თანამშრომლობის სამომავლო პერსპექტივებზე ისაუბრეს. დაიგეგმა ერთობლივი ბიზნეს-ფორუმების ჩატარება და დამეგობრებულ ქალაქებს შორის ოფიციალური თანამშრომლობის გაფორმება.