Доступно только по Грузински For the sake of viewer convenience, the content is shown below in the alternative language. You may click the link to switch the active language.
ბახმაროს ცენტრალურ ქუჩაზე, 4.5 კილომეტრის სიგრძის მონაკვეთზე, ენერგოეფექტური LED განათების სისტემა დამონტაჟდა.
კომპანია ბახვი ჰესისა და USAID-ის ენერგეტიკული მომავლის უზრუნველყოფის პროგრამის წარმომადგენლებმა პროექტი ჩაიბარეს და საკუთრებაში გადასცეს ჩოხატაურის მუნიციპალიტეტს. ღონისძიებას ესწრებოდნენ ჩოხატაურის მუნიციპალიტეტის მერი დავით შარაშიძე, ამერიკის შეერთებული შტატების საელჩოს, USAID-ის, USAID-ის ენერგეტიკული მომავლის უზრუნველყოფის პროგრამისა და ბახვი ჰესის წარმომადგენლები. მიღება – ჩაბარების აქტზე ხელი, ერთი მხრივ, USAID-ის ენერგეტიკული მომავლის უზრუნველყოფის პროგრამის უფროსმა ალექსეი სანკონსკიმ, ბახვი ჰესის დირექტორმა გიორგი აბრამიშვილმა და, მეორე მხრივ, ჩოხატაურის მუნიციპალიტეტის მერმა დავით შარაშიძემ მოაწერეს. პროექტი ბახვი ჰესისა და USAID-ის ენერგეტიკული მომავლის უზრუნველყოფის პროგრამის ერთობლივი ძალისხმევით განხორციელდა და ბახვი ჰესის სოციალური პროგრამის ნაწილს წარმოადგენს.