Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ბოლნისის მუნიციპალიტეტში სახალხო დღესასწაული „საბაობა” აღინიშნა. სოფელ ტანძიაში, სულხან-საბა ორბელიანის სახლ-მუზეუმში მასშტაბური კულტურულ-შემეცნებითი და სპორტული აქტივობები გაიმართა. ღონისძიებას ბოლნელი მთავარეპისკოპოსი ეფრემი, ქვემო ქართლში სახელმწიფო რწმუნებულ-გუბერნატორი გრიგოლ ნემსაძე, მუნიციპალიტეტის გამგებელი დავით შერაზადაშვილი, მხარისა და ადგილობრივი ხელისუფლების ხელმძღვანელ პირებთან ერთად დაესწრნენ.
„საბაობა 2017″ -ის ფარგლებში გრიგოლ ნემსაძემ და დავით შერაზადაშვილმა ოქროსა და ვერცხლის მედლები გადასცეს ბოლნისის საჯარო და კერძო სკოლების წარმატებულ კურსდამთავრებულებს. დიდი ქართველი მწერლის დაბადებიდან 359-ე წლისთავთან დაკავშირებით, წმ. ნიკოლოზის სახელობის ორბელიანების საგვარეულო ეკლესიაში, სულხან-საბა ორბელიანის სულის მოსახსენიებელი პანაშვიდი აღევლინა.
“საბაობა 2017“-ის სტუმრებს სხვადასხვა სახეობის ქართული ღვინის, პროდუქციისა და ნუგბარის დეგუსტაციის შესაძლებლობა ჰქონდათ. სახლ-მუზეუმის ტერიტორიაზე მოწყობილი იყო ხალხური რეწვის ნიმუშების გამოფენა- გაყიდვა. ,,საბაობა-2017“ მოგვიანებით სადღესაწაულო კონცერტით გაგრძელდა, რომელშიც მონაწილეობას ბოლნისის კულტურის სახლთან არსებული შემოქმედებითი კოლექტივები იღებდნენ.