Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დავით შერაზადიშვილმა, მოადგილე ბუბა გობეჯიშვილთან და მერიის წარმომადგენლებთან ერთად, „სოფლის მხარდაჭერის პროგრამის“ ფარგლებში, სოფელ ქვეშში, ჯავშანიანში,კიანეთში, მუშევანსა და საბერეთში მოსახლეობასთან შეხვედრა გამართა.
ქვეშის თემის ხუთ სოფელში ადგილობრივებმა, წელს განსახორციელებელი პროექტები მუნიციპალიტეტის ხელმძღვანელ პირებთან ერთად განსაზღვრეს. მოსახლეობის გადაწყვეტილებით სოფელ ქვეშში, ჯავშანიანსა და მუშევანში გარე განათების ქსელის მოწყობა დასრულდება. გამოყოფილი თანხით ჯავშანიანსა და საბერეთში ასევე შიდა გზები მოიხრეშება, ხოლო კიანეთში ამბულატორიის შენობა გადაიხურება და კეთილმოეწყობა. შეგახსენებთ, რომ „სოფლის მხარდაჭერის პროგრამის ფარგლებში“, რეგიონებში განსახორციელებელი პროექტების ფონდიდან, ბოლნისის მუნიციპალიტეტისთვის 714 000 ლარია გამოყოფილი. მუნიციპალიტეტი პროექტების განსახორციელებლად 100%-იანი თანადაფინანსების ვალდებულებას იღებს. ჯამში კი, წელს ბოლნისში, ამ პროგრამის ფარგლებში, 1 428 000 ლარი დაიხარჯება.