დავით შერაზადიშვილი დღეს ბოლნისის მთავარ ბიბლიოთეკაში ხელდამშვენებული მივიდა. მუნიციპალიტეტის ხელმძღვანელი ბიბლიოთეკის მიერ წამოწყებულ აქციაში ჩაერთო და საგანმანათლებლო დაწესებულებას საჩუქრად აგათა კრისტის ექვესტომეული გადასცა.
აქცია სახელწოდებით ,,შეიძინე და აჩუქე წიგნი საბავშვო ბიბლიოთეკას” დაახლოებით 2 კვირის წინ დაიწყო და აქციის ფარგლებში ბიბლიოთეკის ფონდს 40-მდე წიგნი შეემატა.
“სიამოვნებით შევუერთდი აქციას, შევიძინე აგათა კრისტის ექვსტომეული და გადავეცი ბიბლიოთეკას საჩუქრად. აქცია არის მნიშვნელოვანი ერთის მხრივ, რომ განახლდეს წიგნთსაცავი და მეორეს მხრივ, მოზარდი თაობა უფრო მეტად დავაახლოვოთ წიგნს, რათა მიიღოს სათანადო ცოდნა და იყოს მყარი გარანტი ჩვენი ქვეყნის მომავალი განვითარების. ყველას მოვუწოდებ, ვისაც სურვილი გააჩნია, ასე გულღიად შეუერთდეს აქციას”,- განაცხადა ბოლნისის მუნიციპალიტეტის გამგებელმა დავით შერაზადიშვილმა.
0