Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ვ. ივერიელის სახელობის ენდოკრინოლოგია-მეტაბოლია-დიეტოლოგიის ცენტრი ,,ენმედიცი” მიმდინარე წლის 24 თებერვალს მორიგი საქველმოქმედო აქციის ჩატარებას გეგმავს ბოლნისში.
კლინიკა ,,ენმედიცი” დაახლოებით 5 წელია საქართველოს შრომის, ჯანმრთელობისა და სოციალური დაცვის სამინისტროსთან შეთანხმებით, ახორციელებს მოსახლეობის პროფილაქტიკურ გასინჯვებს სხვადასხვა ექიმ-სპეციალისტის , მათ შორის ენდოკრინოლოგის, ბავშვთა ენდოკრინოლოგის, ნევროლოგის, თერაპევტის, პედიატრის, კარდიოლოგის, დერმატო-ვენეროლოგის, ოფთალმოლოგის, გინეკოლოგის, ოტორინოლარინგოლოგისა და ანგიოლოგის მონაწილეობით. გასინჯვისას განხორციელდება ასევე
კლინიკურ-დიაგნოსტიკური და ექოსკოპიური გამოკვლევები.
საქველმოქმედო აქციები მიმდინარეობს სრულიად საქართველოს კათოლიკოს-პატრიარქის ილია II-ის ლოცვა-კურთხევით.
პაციენტების მიღება 11 საათიდან დაიწყება და 16 საათამდე გასტანს.
მისამართი: სულხან-საბა ორბელიანის ქ N 106.