Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გერმანიის ეკონომიკურმა გაერთიანებამ DWV- 2018 წლის აგვისტოს ბიზნეს ბიულეტენში ბოლნისის მუნიციპალიტეტის პოზიცია გამოაქვეყნა, სადაც აღნიშნულია, რომ მუნიციპალიტეტი ეძებს ტურიზმისა და გართობის ინდუსტრიით დაინტერესებულ ბიზნესებს/ინვესტორებს, რომლებიც ისტორიული უბნის “კატერინენფელდი“-ს ტერიტორიაზე საკუთარ ბიზნეს საქმიანობებს განახორციელებენ.
ბიზნეს ბიულეტენში შესულია მოკლე ცნობები მუნიციპალიტეტის შესახებ და აღნიშნულია, რომ ორსაუკუნოვან ქალაქ ბოლნისში შემორჩენილია გერმანელების მიერ დაარსებული დასახლება “კატერინენფელდი“, სადაც არის გამორჩეული არქიტექტურით ნაშენი ნაგებობები, რამდენიმე მათგანს კი მინიჭებული აქვს კულტურული მემკვიდრეობის ძეგლის სტატუსი.
“მუნიციპალიტეტი მზად არის ხელი შეუწყოს და ითანამშრომლოს ყველა დაინტერესებულ ინვესტორთან კერძო-საჯარო პარტნიორობის ფარგლებში (PPP). ამ მიზნით, ეძებს ტურიზმისა და გართობის ინდუსტრიით დაინტერესებულ ბიზნესებს/ინვესტორებს, რომლებიც „კატერინენფელდის“ ტერიტორიაზე განახორციელებენ საკუთარ ბიზნეს საქმიანობებს“, – ნათქვამია გამოქვეყნებულ მასალაში.
აღნიშნული ინფორმაცია გერმანიის ეკონომიკურმა გაერთიანებამ ბიზნესით დაინტერესებულ 4500-მდე პირს დაუგზავნა.