Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ბოლნისის მუნიციპალიტეტის ადმინისტრაციულ შენობაზე საქართველოს სახელმწიფო დროშები დაეშვა.
ეროვნული დროშის დაშვება 16 იანვარს, დიდ დიღომში მდებარე საცხოვრებელ კორპუსში მომხდარი აფეთქებისას გარდაცვლილთა პატივსაცემად გამოცხადებული გლოვის დღის ფარგლებში განხორციელდა.
სახელმწიფო უწყებებზე ეროვნული დროშა დაშვებული მთელი დღის განმავლობაში იქნება. საქართველოში 17 იანვარი გლოვის დღედ მთავრობის განკარგულებით გამოცხადდა. ამ დროისთვის არსებული მონაცემებით, კორპუსში მომხდარი აფეთქებისას 4 ადამიანი დაიღუპა, მათგან ერთი 4 წლის ბიჭია.
ბოლნისის მუნიციპალიტეტის თვითმმართველობა მწუხარებას გამოთქვამს მომხდარი ფაქტის გამო და სამძიმარს უცხადებს გარდაცვლილთა ოჯახებს.