Доступно только по Грузински For the sake of viewer convenience, the content is shown below in the alternative language. You may click the link to switch the active language.
მთავარანგელოზ გაბრიელის კრების დღესთან დაკავშირებით , მამა ალექსანდრემ სოფელ ჭოღას მთავარანგელოზ მიქაელის სახელობის ეკლესიაში ღმრთისმსახურება აღავლინა, რომელსაც მრევლთან ერთად მუნიციპალიტეტის გამგებელი დათო გოგუა დაესწრო.
26 ივლისს, ტრადიციულად, სოფელ ჭოღაში სათემო დღესასწაული ტარდება, სადაც სოფლის მოსახლეობა იკრიბება. ეს ტრადიცია შენგელიებმა შემოინახეს, ისინი მთავარანგელოზ გაბრიელის კრების დღეს ფუძის ხატის ლოცვას ასრულებენ.
შენგელიები ინახავენ მიქაელ და გაბრიელ მთავარანგელოზების ხატს, რომელიც შესრულებულია XVII საუკუნეში.
სოფელ ჭოღას მთავარანგელოზ მიქაელის სახელობის ეკლესია XV-XVI საუკუნეებით თარიღდება. ის 1923 წელს დაიხურა, ამჟამად საჭიროებს რესტავრაციას.