Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საფრანგეთის რესპუბლიკის დედაქალაქ პარიზის ჩრდილოეთით მდებარე ლე ბურჟეს სალონი 52-ე საავიაციო გამოფენას მასპინძლობს. ღონისძიებაში მონაწილეობის მისაღებად ლე ბურჟეში საქართველოს შეიარაღებული ძალების გენერალური შტაბის უფროსი, გენერალ-მაიორი ვლადიმერ ჩაჩიბაია ფრანგული მხარის მიწვევით იმყოფებოდა.
გენერალური შტაბის უფროსმა ლე ბურჟეს სალონში წარმოდგენილი თანამედროვე საფრენი აპარატები დაათვალიერა და უახლეს ტექნოლოგიურ მიღწევებს, ასევე საჰაერო თავდაცვით შესაძლებლობებს გაეცნო. გამოფენის ფარგლებში გენერალ-მაიორმა ვალდიმერ ჩაჩიბაიამ საერთაშორისო კომერციული ორგანიზაციების წარმომადგენლებთან საქმიანი შეხვედრები გამართა და თანამშრომლობის სამომავლო გეგმებზე იმსჯელა.
პარიზის ჩრდილოეთით მდებარე ლე ბურჟეს სალონი მსოფლიოში ერთ-ერთი ყველაზე მასშტაბური საერთაშორისო კომერციული საგამოფენო ცენტრია, სადაც სამხედრო და სამოქალაქო საფრენი აპარატები და უახლესი ტექნოლოგიური მიღწევებია წარმოდგენილი. წელს ღონისძიებაში მსოფლიოს 91 ქვეყნის 300-ზე მეტი ოფიციალური დელეგაცია იღებს მონაწილეობას, გამოფენაზე კი, 2400 სახის ექსპონატია წარმოდგენილი.