Доступно только по Грузински For the sake of viewer convenience, the content is shown below in the alternative language. You may click the link to switch the active language.
იმერეთში სახელმწიფო რწმუნებული–გუბერნატორი გივი ჭიჭინაძე და პირველი მოადგილე გრიგოლ დალაქიშვილი, წყლის ამერიკელ ექსპერტს კეილ კასეს შეხვდნენ. მხარეებმა იმერეთის რეგიონში არსებულ წყლის სისტემაზე, არსებულ პრობლემებსა და გადაჭრის გზებზე ისაუბრეს. მხარის ხელისუფლების წარმომადგენლებმა ექსპერტისგან შესაბამისი რეკომენდაციებიც მიიღეს.
საქართველოს რეგიონული განვითარებისა და ინფრასტრუქტურის სამინისტრო USAID – ის ჩართულობით, წყლის ხარისხის გაუმჯობესებასა და ამ სფეროს ეფექტიან ფუნქციონირებაზე მუშაობს. პირველ ეტაპზე არსებული სისტემის შესწავლა ხორციელდება. აღნიშნული მიზნით, სახელმწიფო რწმუნებულის–გუბერნიებისა და ადგილობრივი თვითმმართველობების წარმომადგენლებთან საინფორმაციო ხასიათის შეხვედრები მიმდინარეობს.