საქართველოს პრემიერ-მინისტრი გიორგი კვირიკაშვილი დავოსის მსოფლიო ეკონომიკური ფორუმის ფარგლებში ყირგიზეთის პრემიერ-მინისტრ საპარ ისაკოვს შეხვდა.
მხარეებმა ორი ქვეყნის ტრადიციულ მეგობრულ ურთიერთობებზე და ეკონომიკური თანამშრომლობის გააქტიურების მნიშვნელობაზე ისაუბრეს.
პრემიერ-მინისტრებმა დაადასტურეს მზადყოფნა, განიხილონ ახალი პერსპექტივები და განავითარონ შემდგომი წარმატებული თანამშრომლობა.
ყირგიზეთის პრემიერ-მინისტრმა განსაკუთრებით აღნიშნა საქართველოში ბოლო პერიოდში განხორციელებული მნიშვნელოვანი ცვლილებები და გამოთქვა დაინტერესება, გაიზიაროს წარმატებული რეფორმების გამოცდილება.
0