Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს პრემიერ-მინისტრი გიორგი კვირიკაშვილი ბრიტანული მულტინაციონალური ნავთობისა და გაზის კომპანია “ბრითიშპეტროლიუმის” (BP) რეგიონულ პრეზიდენტს, გარი ჯონსს შეხვდა.
მხარეებმა საქართველოში მიმდინარე პროექტები განიხილეს და თანამშრომლობის პერსპექტივებზე იმსჯელეს. საუბარი შეეხო ბაქო-სუფსის ნავთობსადენის გარკვეული მონაკვეთების მოდერნიზაციის საკითხებს და „შაჰ დენიზის” მეორე ფაზის ფარგლებში მიმდინარე სამუშაოებს. ყურადღება გამახვილდა სამხრეთ კავკასიური მილსადენის გაფართოების პროექტზე (SCPX). პრემიერ-მინისტრმა ხაზი გაუსვა პროექტის უდიდეს მნიშვნელობას, როგორც საქართველოსთვის, ასევე მთლიანად რეგიონისთვის – სამხრეთკავკასიის გაზსადენის გაფართოების პროექტის მიზანია მილსადენის გამტარიანობის გაზრდა და წელიწადში დამატებითი 16მილიარდი კუბური მეტრი გაზის ტრანსპორტირება კასპიის ზღვაში მდებარე „შაჰ დენიზ 2″-ის საბადოდან ევროპის ქვეყნებამდე.
შეხვედრაზე აღინიშნა, რომ BP-ს საქართველოსთან 20-წლიანი წარმატებული თანამშრომლობა აკავშირებს და იგი ერთ-ერთი ყველაზე მსხვილი უცხოელი ინვესტორია.
მთავრობის ადმინისტრაციაში გამართულ შეხვედრას ვიცე-პრემიერი, ენერგეტიკის მინისტრის კახა კალაძე, საქართველოს ნავთობისა და გაზის კორპორაციის გენერალური დირექტორი დავით თვალაბეიშვილი, საქართველოს პრემიერ-მინისტრის მრჩეველი საგარეო ურთიერთობების საკითხებში თედო ჯაფარიძე, საქართველოს საგარეო საქმეთა მინისტრის მოადგილე დავით ჯალაღანია, BP-ის წარმომადგენლები დაესწრნენ.