Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს პრეზიდენტმა გიორგი მარგველაშვილმა კვიპროსის რესპუბლიკის პარლამენტის თავმჯდომარე დიმიტრის სილურისი მიიღო და მიესალმა პარლამენტის თავმჯდომარის მაღალი დონის ვიზიტს საქართველოში.
დიმიტრის სილურისმა საქართველოს პრეზიდენტთან შეხვედრისას ორმხრივი ურთიერთობების განვითარების საკითხები – ეკონომიკისა და ტურიზმის სფეროებში თანამშრომლობის გაძლიერება განიხილა.
კვიპროსის რესპუბლიკის პარლამენტის თავმჯდომარემ კიდევ ერთხელ დაადასტურა საქართველოს ტერიტორიული მთლიანობის, სუვერენიტეტის, ევროპული და ევროატლანტიკური ინტეგრაციის პროცესის მხარდაჭერა.
გიორგი მარგველაშვილმა მადლობა გადაუხადა პარლამენტის თავმჯდომარეს საქართველოში ევროკავშირის სადამკვირვებლო მისიაში კვიპროსის აქტიური მონაწილეობისათვის და დეტალური ინფორმაცია მიაწოდა ოკუპირებულ რეგიონებში შექმნილ ვითარებასთან და რუსეთის უკანონო ქმედებებთან – მცოცავ ოკუპაციასთან დაკავშირებით.