გორის მუნიციპალიტეტის სოფლების – შინდისის, ფხვენისისა და ნიქოზის მოსახლეობას შიდა ქართლის რწმუნებული გიორგი ხოჯევანიშვილი, გარემოს დაცვისა და სოფლის მეურნეობის მინისტრის მოადგილე გიორგი ხანიშვილი, პარლამენტის წევრები მიხეილ ყაველაშვილი, ენძელა მაჭავარიანი და კობა კობალაძე შეხვდნენ. ასევე, შეხვედრას გორის მაჟორიტარი დეპუტატი იოსებ მაკრახიძე და ადგილობრივი თვითმმართველობის წარმომადგენლები ესწრებოდნენ.
მოსახლეობასთან გამართულ შეხვედრებზე საუბარი ინფრასტრუქტურის, სოფლის მეურნეობის, ჯანდაცვისა და სოციალური დაცვის პროექტებს შეეხო. ხელისუფლების წარმომადგენლებმა იმ პროექტებზე ისაუბრეს რაც გორის მუნიციპალიტეტში იგეგმება. ასევე, ხაზი გაესვა გადაწყვეტილების მიღების პროცესში მოქალაქეების ჩართულობის მნიშვნელობას. ადგილობრივებმა შეხვედრაზე მათთვის პრიორიტეტულ საკითხებზე გაამახვილეს ყურადღება. ხელისუფლების წარმომადგენლებმა აღნიშნეს, რომ მსგავსი სახის შეხვედრები მნიშვნელოვანია სამომავლოდ პროექტების დაგეგმვის პროცესსში, რადგან უშუალოდ, მოსახლეობის მხრიდან იღებენ ინფორმაციას კონკრეტული საჭიროებების შესახებ.
0