Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გურიის გუბერნატორი ზურაბ ნასარაია საქართველოს წითელი ჯვრის წარმომადგენლებს ნინო სამადალაშვილს და კახა მამულაძეს შეხვდა. შეხვედრაზე ორგანიზაციის წარმომადგენლებმა ისაუბრეს წითელი ჯვრის საქმიანობის მნიშვნელობაზე და რეგიონში მათ მიერ განხორციელებულ აქტივობებზე.
„ წითელი ჯვრის ორგანიზაციის მისიაა შეჭირვებული ოჯახების დახმარება საგანგებო სიტუაციებისა და სოციალურ-ეკონომიკური კრიზისის დაძლევაში, როგორც მატერიალური ასევე, ადამიანური რესურსების გამოყენებით. შეხვედრაზე ჩვენ განვიხილეთ ურთიერთთანამშრომლობის სამომავლო პერსპექტივები, შევთანხმდით ერთობლივი პროექტების განხორციელებაზე და კოორდინირებულ მუშაობაზე“- აღნიშნა ზურაბ ნასარაიამ.
სამხარეო ადმინისტრაციაში გამართულ შეხვედრას დაესწრნენ გუბერნატორის მოადგილე ქეთევან მოისწრაფეშვილი, ჩოხატაურის წითელი ჯვრის ორგანიზაციის ადგილობრივი ფილიალის წარმომადგენელი თამარ კოროშინაძე და ოზურგეთის ადგილობრივი ფილიალის წარმომადგენელი ია ურუშაძე.