Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
თბილისის მუნიციპალიტეტის საკრებულოში ადამიანის უფლებათა დაცვისა და სამოქალაქო ინტეგრაციის კომისიის თავმჯდომარემ გულიკო ზუმბაძემ წინუბნის დასახლებაში საბავშვო ბაღის სარეაბილიტაციო სამუშაოებზე დასაქმებული მუშების შრომითი უფლებების დარღვევასთან დაკავშირებით ბრიფინგი გამართა.
დეპუტატის თქმით, წინუბნის საბავშვო ბაღის რეაბილიტაციაზე მომუშავე, დაახლოებით, 20 ადამიანისთვის დამქირავებელს ოთხი თვის განმავლობაში შრომითი ანაზრაურება არ გადაუხდია, რის გამოც ისინი მუშაობის გაგრძელებაზე უარს აცხადებენ.
როგორც კომისიის თავმჯდომარემ აღნიშნა, არც ერთ დასაქმებულ პირთან ოფიციალური ხელშეკრულება გაფორმებული არ არის და მანვე შექმნილ სიტუაციაზე პასუხისმგებლობა კომპანიას „ხურო“ და თბილისის ბაგა-ბაღების მართვის სააგენტოს დააკისრა.
„შრომითი ხელშეკრულების გარეშე საქმიანობა დამქირავებელი კომპანიის მხრიდან გადასახადებისაგან თავის არიდების მცდელობას წარმოადგენს. მოვუწოდებთ კომპანიას, დასაქმებულ პირთათვის კუთვნილი ანაზღაურების გადახდა და მათთვის შრომითი ხელშეკრულების გაფორმება უმოკლეს ვადებში უზრუნველყოს’’,-განაცხადა გულიკო ზუმბაძემ და ბაგა-ბაღების მართვის სააგენტო აღნიშნულ კომპანიასთან გაფორმებული ხელშეკრულების გამო გააკრიტიკა.