Доступно только по Грузински For the sake of viewer convenience, the content is shown below in the alternative language. You may click the link to switch the active language.
საქველმოქმედო ასოციაცია “გურიას” გერმანიის საელჩომ, მცირე გრანტების პროგრამის ფარგლებში, გურიის სახელმწიფო რწმუნებულის ადმინისტრაციისა და ოზურგეთის მუნიციპალიტეტის მერიის ჩართულობით ადაპტირებული მიკრო ავტობუსი შეუძინა.
ამ მიზნით, გერმანიის საელჩოს განვითარების სფეროში თანამშრომლობის ატაშე ტომას შოლი, სახელმწიფო რწმუნებულ ზურაბ ნასარაიასთან და ოზურგეთის მუნიციპალიტეტის მერთან კონსტანტინე შარაშენიძესთან ერთად, საქველმოქმედო ასოციაცია „გურიას“ ესტუმრა.
ხანგრძლივი და ინტენსიური სიარულის გამო, ორგანიზაციის სარგებლობაში არსებული ამორტიზირებული მიკრო ავტობუსი საფრთხეს უქმნიდა სერვისის არსებობას. დროულად გაწეული დახმარებით მიღებული სოციალური შედეგი არის მრავალწლიანი გარანტი შეზღუდული შესაძლებლობის მქონე პირთა მომსახურების შესაძლებლობისა და ცხოვრების ხარისხის გაუმჯობესების.