გურჯაანის მუნიციპალიტეტის მერია ზამთრის სეზონს მომზადებული ხვდება. უკვე შეძენილი აქვთ 10 ტონა ტექნიკური მარილი და 20 ტონა ქვიშა, ასევე მობილიზებულია ტექნიკაც. მაღალმთიან სოფლებში ზიარსა და ჭერემში კი 4-4 ტონა ტექნიკური მარილია დასაწყობებული. ინფრასტრუქტურის სამსახურის განყოფილების უფროსის ინფორმაციით, დიდთოვლობის შემთხვევაში გაიწმინდება როგორც ქალაქის, ასევე სოფლების გზები და დაიყრება ტექნიკური მარილი. ადგილობრივი ბიუჯეტიდან ამისათის 10 ათასი ლარი გამოიყო.
0