Доступно только по Грузински For the sake of viewer convenience, the content is shown below in the alternative language. You may click the link to switch the active language.
ესპანეთში, ქ. სიტჯესში მიმდინარე ჯანმრთელობის მსოფლიო ორგანიზაციის რეგიონული სხდომის ფარგლებში საქართველოს ჯანდაცვის მინისტრის ორმხრივი შეხვედრა გაიმართა. მინისტრი დავით სერგეენკო და დაავადებათა კონტროლის ცენტრის ხელმძღვანელი, ამირან გამყრელიძე თურქეთის ვიცე-პრემიერს, რეჯებ აკდაგს პირისპირ შეხვდნენ. რეჯებ აკდაგი წარსულში მეზობელი ქვეყნის ჯანდაცვის უწყებას ხელმძღვანელობდა. შეხვედრაზე მხარეებმა ჯანმრთელობის დაცვის სფეროში ქვეყნებს შორის ურთიერთთანამშრომლობის საკითხები განიხილეს. თურქეთის ვიცე-პრემიერმა და საქართველოს ჯანდაცვის მინისტრმა ერთმანეთს ორი სახელმწიფოს ჯანდაცვის სისტემაში მიმდინარე რეფორმების შესახებ გამოცდილებაც გაუზიარეს.