Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
სახელმწიფო პროგრამა „აწარმოე საქართველოს“ ფარგლებში დუშეთის რაიონში სოფელ ბაგებში, ნატურალური რძის გადამამუშავებელი მცირე საწარმო გაიხსნა. „თამრო ბებოს ფერმა“-ში 10 ადამიანია დასაქმებული.
ნედლეულით უზრუნველყოფისთვის მეწარმემ საკუთარი მეურნეობაც შექმნა, სადაც 35 სული მსხვილფეხა საქონელი ჰყავთ. მათი წველადობა დღეში 400 ლიტრამდე მერყეობს. მფლობელის თქმით, საწარმო, რძეს ადგილობრივი მოსახლეობისგანაც ჩაიბარებს.
3 ადამიანისგან დაკომპლექტებულმა კოოპერატივმა საწარმოსთვის შესაბამისი დანადგარები ევროპიდან შემოიტანა. კერძო და სახელმწიფო ინვესტიციამ 80 000 აშშ დოლარი შეადგინა. საწყის ეტაპზე წარმოებული ნატურალური პროდუქტი: რძე, ხაჭო, თიხის ჭურჭელში შედედებული მაწონი, სხვადასხვა სახეობის ყველი და სულგუნი ადგილობრივ ბაზარზეა გათვლილი.
მცირე საწარმოს გახსნას ადგილობრივებთან ერთად, მცხეთა-მთიანეთის გუბერნატორი გოჩა ზეიკიძე, დუშეთის მაჟორიტარი დეპუტატი ირაკლი ტრიპოლსკი, დუშეთის მუნიციპალიტეტის გამგებელი გიზო ჩოხელი, მეწარმეობის განვითარების დეპარტამენტის უფროსი ოთარ ანთია დაესწრნენ.