Доступно только по Грузински For the sake of viewer convenience, the content is shown below in the alternative language. You may click the link to switch the active language.
ევროპარლამენტის დელეგაციამ საბაჟო გამშვები პუნქტი „სადახლო-საავტომობილო“ მოინახულა. სტუმრებმა, ვიზიტის ფარგლებში, დაათვალიერეს საბაჟო პუნქტის ინფრასტრუქტურა, გაეცნენ ფიზიკური პირების, სატრანსპორტო საშუალების, ხელბარგის და ტვირთების კონტროლის პროცედურებს. ევროკავშირის დახმარების ფარგლებში, ფინანსთა სამინისტროს შემოსავლების სამსახურს მნიშვნელოვანი აღჭურვილობა გადმოეცა; მათ შორის, სატვირთო და მსუბუქი მანქანების სტაციონარული რენტგენო-სკანერი, ხელბარგის სკანერი და მეტალო დეტექტორი. ევროპარლამენტარებმა დაათვალიერეს აღნიშნული ტექნიკა, გაეცნენ სკანირების შედეგად აღმოჩენილ დარღვევებს. მათ ასევე მოისმინეს ევროკავშირის მიერ დაფინანსებული დასრულებული, მიმდინარე და დაგეგმილი პროექტების შესახებ ინფორმაცია და მათი შედეგები.