Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
X ფაქტორის მესამე სეზონს მაყურებელი დიდი ინტერესით ელის. უკვე ცნობილი გახდა ჟიურის განახლებული შემადგენლობა. ესენი არიან: სოფო ნიჟარაძე, გიორგი გაბუნია, ნიკა გვარამია და ნინა სუბლატი. რაც შეეხება პროექტის წამყვანებს, რუსკა მაყაშვილთან ერთად გაუძღვება, ვასო აბაშიძის სახელობის, მუსიკისა და დრამის თეატრის მსახიობი ერეკლე გეწაძე. X ფაქტორი მისთვის პირველი, თან მასშტაბური პროექტია. ერეკლე პროექტში ქასტინგის საშუალებით შეარჩიეს. სატელევიზიო სივრცეში, წამყვანის ამპლუაში ეს მისი დებიუტი იქნება. ახალბედა წამყვანს რუსკა მაყაშვილის გვერდზში დგომის დიდი იმედი აქვს. ისინი მეგობრები არიან და როგორც ცხოვრებაში ასევე სცენაზეც კარგად გაუგებენ ერთმანეთს. მართალია ერეკლესთვის ეს დებიუტი იქნება, თუმცა მას კარგად იცნობენ და უამრავი თაყვანისმცემელი თუ გულშემატკივარიც ჰყავს. ის მსახიობების, ზურა გეწაძისა და ნანუკა ლითანიშვილის ვაჟია.
რაც შეეხება X ფაქტორის მესამე სეზონს, მაყურებელი პოპულარულ პროექტს რუსთავი 2-ის ეთერში 4 აპრილიდან იხილავს.