Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გურიის მხარის სახელმწიფო რწმუნებულის ზურაბ ნასარაიას ხელმძღვანელობით, რწმუნებულთან-არსებული საკონსულტაციო ორგანოს, სამხარეო საკონსულტაციო საბჭოს მორიგი სხდომა გაიმართა. შეხვედრაზე დღის წესრიგით გათვალისწინებული სხვადასხვა საკითხი, მათ შორის 2019 წელს მიმდინარე და დაგეგმილი ინფრასტრუქტურული, ასევე სოფლის მხარდაჭერის პროგრამით დაფინანსებული პროექტები განიხილეს; ისაუბრეს საჯარო სკოლების რეაბილიტაციის, ამბულატორიების მშენებლობა/რეაბილიტაციის და სტიქიის პრევენციის ღონისძიებებთან დაკავშირებით.
როგორც შეხვედრაზე ზურაბ ნასარაიამ აღნიშნა, დაგეგმილი და მიმდინარე პროექტების განხორციელება მეტად მნიშვნელოვანია რეგიონის განვითარებისათვის და მოსახლეობის სოციალურ-ეკონომიკური მდგომარეობის გასაუმჯობესებლად.
სხდომას რწმუნებულის მოადგილე, მუნიციპალიტეტების წარმომადგენლობითი და აღმასრულებელი ორგანოების ხელმძღვანელი პირები და ოზურგეთის მაჟორიტარი დეპუტატის ბიუროს წარმომადგენელი ესწრებოდნენ.