აჭარის მთავრობის თავმჯდომარე ზურაბ პატარაძე დღეს იმ ოჯახებს შეხვდა, რომლებიც 16 აგვისტოს გენერალ ა.აბაშიძის ქუჩაზე მომხდარი აფეთქების შედეგად დაზარალდნენ. ზურაბ პატარაძე ადგილზე აჭარის მთავრობის წევრებთან ერთად იმყოფებოდა. როგორც ზურაბ პატარაძემ მათთან საუბრისას აღნიშნა, აჭარის მთავრობამ მიიღო უპრეცედენტო გადაწყვეტილება და გამოძიების დასრულებამდე დაზარალებულებს დახმარება შესთავაზა. სულ მალე დაიწყება დანგრეული სახლების დემონტაჟი და დაზარალებულთა საჭიროების მიხედვით ახალი სახლების მშენებლობა ან სარემონტო-აღდგენითი სამუშაოები.
0