Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
თბილისის მუნიციპალიტეტის საკრებულოს განათლებისა და კულტურის კომისიის თავმჯდომარემ თამარ ტალიაშვილმა სამების საკათედრო ტაძარში ხანძრის შედეგად დამწვარი ახალგაზრდული ცენტრი „დავითიანნი“ მის პრეზიდენტთან კოტე სვანაძესთან ერთად დაათვალიერა.
დეპუტატმა დამწვარი წიგნადი ფონდის აღდგენის მიზნით ახალგაზრდულ ცენტრს საჩუქრად წიგნები გადასცა და ფინანსური დახმარება პირადად გაუწია.
მიმდინარე წლის 20 მარტს სამების საკათედრო ტაძარში ხანძრის შედეგად დაზიანებულ ახალგაზრდულ ცენტრში წიგნის ფონდი დაიწვა, სადაც ამავე ცენტრის პროექტის „მოსიარულე წიგნები“ კუთვნილი ლიტერატურა ინახებოდა. საქველმოქმედო პროექტის ფარგლებში, წიგნები სხვადასხვა მაღალმთიანი სოფლების ბიბლიოთეკებისთვის, სკოლებისთვის, ბავშვთა სახლებისთვის, საზღვარგარეთ არსებული ქართული ბიბლიოთეკებისთვის, ასევე ეთნიკური უმცირესობებისა და სხვადასხვა დაწესებულებებისთვის ნაწილდება.