გარემოსდაცვითი ზედამხედველობის დეპარტამენტის დასავლეთ რეგიონული სამმართველოს გარემოსდაცვითი პატრულირებისა და სწრაფი რეაგირების განყოფილების თანამშრომლებმა თევზჭერის წესების დარღვევის ფაქტი გამოავლინეს.
ოზურგეთის მუნიციპალიტეტის სოფელ ჯუმათის მიმდებარე ტერიტორიაზე, მდინარე სუფსაზე მოქალაქეები თევზაობდნენ აკრძალული იარაღით (ასაფეთქებელი ნივთიერება). მათ მოპოვებული ჰქონდათ წვერას სახეობის თევზი.
შედგა შესაბამისი აქტი. საქმე შეიცავს სისხლის სამართლის კოდექსით გათვალისწინებული დანაშაულის ნიშნებს. მასალები შემდგომი რეაგირებისთვის გადაეგზავნა ოზურგეთის რაიონულ სამმართველოს.
თევზჭერის წესების დარღვევის ფაქტი გამოავლინდა
09/08/2017