Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გარემოსა და ბუნებრივი რესურსების დაცვის მინისტრის მოადგილე თეიმურაზ მურღულია კახეთის რეგიონში იმყოფებოდა, სადაც თელავში თვითმმართველობის წარმომადგენლებთან ერთად, ადგილობრივ მოსახლეობას შეხვდა.
სამინისტროს ინიციატივით, თელავის მუნიციპალიტეტში მუნიციპალური ნარჩენების სეპარირება დაიწყო. 5 სოფელში – წინანდალში, ქვემო ხოდაშენში, ბუშეტში, ვანთასა და აკურაში ნარჩენების სეპარირებისათვის განკუთვნილი სპეციალური ურნები დაიდგა, სადაც მოხდება პლასტმასისა და ქაღალდის ნარჩენების მუნიციპალური ნარჩენებიდან გამოცალკევება. სეპარირებული ნარჩენები განთავსებული იქნება შესაბამის საწყობში და შემდგომ მათი გატანა და გადამუშავება მოხდება კერძო სექტორის მიერ.
საპილოტე სეპარირების პროექტი USAID -ის მიერ დაფინანსებული პროექტის „ნარჩენების მართვის ტექნოლოგიები რეგიონებში“ ფარგლებში მიმდინარეობს, რომელსაც „კავკასიის გარემოსდაცვითი არასამთავრობოების ქსელი“(CENN) ახორციელებს. პროექტი მიზნად ისახავს ორ სამიზნე რეგიონში: კახეთის მუნიციპალიტეტსა და აჭარაში ცენტრალური და ადგილობრივი მთავრობების, ადგილობრივი ბიზნესის, თემებისა და მუნიციპალიტეტების დახმარებას ნარჩენების მართვის ინტეგრირებული სისტემის ჩამოყალიბებაში.