Доступно только по Грузински For the sake of viewer convenience, the content is shown below in the alternative language. You may click the link to switch the active language.
ქ. თელავში, საავიაციო უნივერსიტეტის კუთვნილი აეროპორტი “მიმინო” -ს ბაზაზე, საქართველოს საავიაციო უნივერსიტეტის ინიციატივითა და კახეთის მხარის სახელმწიფო რწმუნებულის – ირაკლი ქადაგიშვილის მხარდაჭერით, საავიაციო უნივერსიტეტის აბიტურიენტებისა და კახეთის რეგიონის საჯარო სკოლების მოსწავლეებისთვის ღია კარის დღე გაიმართა. შეხვედრას ესწრებოდნენ: კახეთის მხარის სახელმწიფო რწმუნებულის მოადგილემ – პლატონი კალმახელიძემ და თელავის მუნიციპალიტეტის მერი – შოთა ნარეკლიშვილი.
საქართველოს საავიაციო უნივერისტეტის რექტორმა, პროფესორმა სერგო ტეფნაძემ თავის გამოსვლაში ისაუბრა სამოქალაქო ავიაციის მნიშვნელოვან როლზე ჩვენი ქვეყნის სიძლიერესა და ეკონომიკური განვითარების საქმეში. მომავალმა სტუდენტებმა დაათვალიერეს საავიაციო უნივერსიტეტის სასწავლო მატერიალურ-ტექნიკური ბაზა, ავიაციის მუზეუმი და სტუდენტ-პილოტთა მიერ პრაქტიკული სასწავლო ფრენების მიმდინარეობის პროცესი, რომლის დასრულების შემდეგ, გაიმართა დისკუსია აბიტურიენტებთან, მოსწავლეებთან და მშობლებთან მათთვის საინტერესო საკითხებზე.
საქართველოს უნივერსიტეტის რექტორის – სერგო ტეფნაძის მიერ დაანონსებული იქნა აეროპორტი „მიმინო“-ს ბაზაზე კახეთის რეგიონისათვის საქართელოს საავიაციო უნივერიტეტის ფილიალისა და პროფესიული საავიაციო კოლეჯის გახსნის თაობაზე. ღონისძიება დასრულდა საჰაერო შოუს ჩვენებით და გამოვლინდა გამარჯვებული, რომელიც დაჯილდოვდა საჰაერო გასეირნებით.