Доступно только по Грузински For the sake of viewer convenience, the content is shown below in the alternative language. You may click the link to switch the active language.
საქართველოს პრეზიდენტის საერთაშორისო მრჩეველი თენგიზ ფხალაძე გერმანიის ფედერაციული რესპუბლიკის საგანგებო და სრულუფლებიან ელჩს საქართველოში დოქტორ ჰაიკე ფაიჩს შეხვდა.
საუბარი საქართველო – გერმანიის ორმხრივი ურთიერთობების განვითარებას შეეხო. გერმანიის ელჩმა კიდევ ერთხელ დაადასტურა საქართველოს ტერიტორიული მთლიანობისა და საქართველოს ოკუპირებული ტერიტორიების არაღიარების პოლიტიკის მხარდაჭერა.
თენგიზ ფხალაძის განცხადებით, გერმანული მხარე უარყოფს გავრცელებულ ინფორმაციას ბერლინში აფხაზეთის სამრეწველო-სავაჭრო პალატის, ან რაიმე სახის წარმომადგენლობის გახსნასთან, ან რეგისტრაციასთან დაკავშირებით და კიდევ ერთხელ ადასტურებს საქართველოს მხარდაჭერის პოზიციის ურყეობას.