Доступно только по Грузински For the sake of viewer convenience, the content is shown below in the alternative language. You may click the link to switch the active language.
გარემოსა და ბუნებრივი რესურსების დაცვის მინისტრმა გიგლა აგულაშვილმა, ეროვნული სატყეო სააგენტოს უფროსმა თორნიკე გვაზავამ, მცხეთა-მთიანეთის გუბერნატორის მოადგილემ დავით ჯალაბაძემ და თიანეთის მუნიციპალიტეტის გამგებელმა ლელა ქიტესაშვილმა დაბა თიანეთში საზეიმოდ გახსნეს მცხეთა-მთიანეთის სატყეო სამსახურის თიანეთის სატყეო უბნის ადმინისტრაციული შენობა, რომელიც ყველა საჭირო ინვენტარითა და ტექნიკითაა აღჭურვილი და თიანეთის სატყეო უბნის 21 თანამშრომელზეა გათვლილი.
ამ დრომდე თიანეთის მოსახლეობას მომსახურეობისთვის მცხეთა-მთიანეთის სატყეო სამსახურის ცენტრალური ოფისისათვის უწევდა მიმართვა, რომელიც ქ. მცხეთაში მდებარეობს.
თიანეთის სატყეო უბანი მოიცავს სახელმწიფო ტყის ფონდის 53 000 ჰა. ფართობს. მუნიციპალიტეტის მოსახლეობა შეადგენს – 6050 კომლს, რომლის დიდი ნაწილი ზამთრის სეზონზე დამოკიდებულია ტყის ფონდიდან მიღებულ მერქნულ რესურსზე.