ილია ჭავჭავაძის მშობლიურ ყვარელში ხელისუფლების წარმომადგენლებმა მისი ბარელიეფი ყვავილებით შეამკეს, სახლმუზეუმის ეზოში სასულიერო პირებმა წმინდა ილია მართლის სავედრებელი პარაკლისი აღავლინეს. გორის მუნიციპალიტეტის, სოფელ კირბალთან საოკუპაციო ძალების წარმომადგენლის მიერ საქართველოს მოქალაქის მკვლელობის ფაქტის გამო, წელს “ილიაობა” მოკრძალებულად აღინიშნა. ღონისძიებას კახეთის სახელმწიფო რწმუნებული, გიორგი ალადაშვილი, პარლამენტის წევრები – ირაკლი ქადაგიშვილი, დავით მათიკაშვილი, გურამ მაჭარაშვილი, ყვარლის მუნიციპალიტეტის მერი, გივი ზაუტაშვილი და საკრებულოს თავმჯდომარე, ილია მზექალაშვილი ადგილობრივ მოსახლეობასთან ერთად დაესწრნენ.
0