Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
იმერეთში სახელმწიფო რწმუნებული–გუბერნატორი გივი ჭიჭინაძე, მოადგილე იოსებ ხახალეიშვილი და ქუთაისის წერეთლის უნივერსიტეტის რექტორი გიგა ღავთაძე სამუშაო ვიზიტით შვეიცარიაში გაემგზავრნენ. აღნიშნული ვიზიტი შვეიცარიის კონფედერაციაში საქართველოს საელჩოს მიერ არის ორგანიზებული და მიზნად ისახავს იმერეთსა და ფრიბურგის კანტონს შორის სამომავლო თანამშრომლობის ინიცირებას, იმერეთის პოტენციალისა და შესაძლებლობების გაცნობას შვეიცარიული მხარისათვის.
ვიზიტის ფარგლებში დაგეგმილია შეხვედრები ფრიბურგის კანტონის პრეზიდენტთან მარი გარნიესთან და ფრიბურგის უნივერსიტეტის რექტორთან ასტრიდ ეპინესთან. დელეგაცია მოინახულებს სოფლის მეურნეობის საწარმოებს, ასევე ხეზე და ტყის ნარჩენებზე მომუშავე უახლეს ელექტროსადგურს. შეხვედრები გაიმართება ფრიბურგის კანტონის ტურიზმის ადმინისტრაციასა და ადგილობრივი ბიზნეს-წრეების წარმომადგენლებთანაც.