Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ათასწლეულის გამოწვევის ფონდი – საქართველოს მიერ, ლაგოდეხის მუნიციპალიტეტში ოთხი საჯარო სკოლა სრულად რეაბილიტირდა. განახლდა და თანამედროვე სტანდარტებით აღიჭურვა ლაგოდეხის პირველი და სოფლების – განჯალის, ვარდისუბნისა და აფენის პირველი საჯარო სკოლები. შესრულებული სამუშაოები, პარლამენტის განათლების, მეცნიერებისა და კულტურის კომიტეტის თავმჯდომარემ – მარიამ ჯაშმა, განათლების, მეცნიერების, კულტურისა და სპორტის მინისტრის მოადგილემ – ნათია ზედგინიძემ, ლაგოდეხისა და ყვარლის მაჟორიტარმა პარლამენტის წევრმა – გურამ მაჭარაშვილმა და ადგილობრივი ხელისუფლების წარმომადგენლებმა მოინახულეს. ამავე დღეს, 2017 წელს სკოლის წარჩინებულად დამთავრებისთვის ლაგოდეხელ ახალგაზრდებს ოქროსა და ვერცხლის მედლები გადაეცათ. ღონისძიება კახეთის სამხარეო ადმინისტრაციის ჩართულობით გაიმართა, რომელსაც კახეთის მხარეში სახელმწიფო რწმუნებულის პირველი მოადგილე – ირაკლი შიოშვილი დაესწრო. საზეიმო ღონისძიება, ლაგოდეხის მუნიციპალიტეტის მერიის მხარდაჭერით, ლაგოდეხის ნაკრძალში ღია ცის ქვეშ გაიმართა.